Ekipi i Kryqit të Kuq u lirua pasi u mbajt gjatë përpjekjes për të evakuuar Mariupolin

09:11 | 5 Prill 2022
Fjolla Bajraktari

Ekipi i Kryqit të Kuq u lirua pasi u mbajt gjatë përpjekjes për të evakuuar Mariupolin

Një ekip nga Komiteti Ndërkombëtar i Kryqit të Kuq është liruar pasi u ndalua gjatë një përpjekjeje për të arritur në qytetin jugor të Ukrainës, Mariupol dhe u mbajt në Manhush aty pranë, tha zëvendëskryeministrja ukrainase Iryna Vereshchuk.

“Pas negociatave, ata u liruan gjatë natës dhe u dërguan në Zaporizhzhia,” citon Reuters të ketë thënë ajo. Zaporizhzhia është rreth 200 km larg nga Mariupol në jug të vendit.

Ekipi po “mbahej në qytetin Manhush, 20 kilometra në perëndim të Mariupolit”, tha zëdhënësi i KNKK-së Jason Straziuso për Reuters.

Zëvendëskryeministrja e Ukrainës Iryna Vereshchuk tha se ekipi i Kryqit të Kuq po mbahej nga “autoritetet okupuese”./arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm